*“प” ची गंमत*
पैठणचे प्रसिद्ध, प्रमुख पुढारी परशरामपंत परांजपेची पांढरी पगडी पहाटेच पाचला पिंपळगावच्या पिराजी पाटलाच्या पंड्याने पलंगावरून पळविली. पगडी पळविताना परशरामपंताच्या पाचव्या पोराने पंड्याला पहिले. पंड्याला पटकन पकडण्यासाठी परशरामपंताने पाच-पंचवीस पोरांना पंड्याच्या पाठीमागे पिटाळले पण पंड्याने पटकन पोबारा केला.
प्रकरण पावलोपावली पहाऱ्यावरच्या पोलीसांपर्यंत पोहचले. पोलिसांनी पंड्याला पकडून, पोलिसांचे प्रमुख प्रभाकरराव पळसकराकडे पोहचविले. प्रभाकरराव पळसकरानी पंड्याला पंचबोटाने प्रसादुन पिंजऱ्यात पोहचविले. पंड्या पश्चातापला, पगडी परतविण्याची परवानगी पटकावली. पंड्या पिंजऱ्याबाहेर पडला. पाळतीवरची पोरं पुन्हा पाठीमागे पळाली, पंड्याही पळाला, पळता पळता पाच पिंपळाच्या पाचव्या पायरीवरून पटकन पाण्यात पडला. पण पोहत पोहत पैलतिरावर पोहचला.
पंड्या पैठणला परतला. परशरामपंताची पांढरी पगडी परतवून पंड्या पिंपळगावला परतला. पिराजी पाटलाने पंड्या परतल्याचे पाहून पन्नास पैशाचे पेढे पांडुरंगापुढे पोचविले.
संकलित माहिती
(भारतीय विद्या मंदिर, हिंगोली येथील मराठीचे शिक्षक श्री राजेश्वरराव देशपांडे सर यांनी एका दिवाळी अंकात आलेले व वर्गात उदाहरण दिलेले मराठी अनुप्रास अलंकाराचे हे उदाहरण)
*प्रत्येक शब्द 'प' पासून सुरु करुन केवढा मोठा परिच्छेद लिहिला आहे.*
*पुण्यातलाच प्रसंग!*
*प्रतिभेची परिसीमा!*
परवा पुराण-प्रसिद्ध पखवाज पंडित पुरोहित पंतांची पिवळी पगडी पुरंदरच्या पंधराशेव्या पायरीवरून पुण्यात पर्वतीच्या पाचव्या पायरीपाशी पर्णकुटीपासून पंधरा पावलांवर पहुडलेल्या
पंकजच्या पोटावर पटकन पडली.
पगडी पडलेली पाहताच पंत पुरंदरच्या पायथ्याशी पोलिसठाण्यात पळाले.
पुरंदरच्या पोलिसांनी पंतांना पुण्याच्या पोलिसांकडे पाठवले.
पंत पुण्यात पोहोचताच पोलिसांवर पेटले.
पंत पेटल्यामुळे पोलिस पटकन पर्वतीकडे पळाले.
पांढर्या पोषाखातल्या पोलिसांना पाहून पंकज पर्वतीच्या पलिकडे पळाला. पोलिसांनी पंकजचा पिच्छा पुरवला.
पळता पळता पंकज पाण्याच्या पाँडमध्ये पडला.
पंतांनीच पाण्यात पोहून पंकजला पकडले.
पिवळी पगडी पण पकडली.
पोलिसांनी पंकजला पोलिसठाण्याकडे पिटाळले.
पकडणारा पोलिस पदपथावर पाय पसरून पडला.
पोलिस पडलेला पाहून पंकज पाठीवर पांघरूण पांघरून पळाला.
पंतांनी पुरंदरला पोहोचताच पगडीत पंकजचे पैशांचे पाकिट पाहिले. पाकिटातले पुष्कळ पैसे पंतांनी पनवेलला पुत्राला पोस्टाने पाठवले. पंतांच्या पाजी पुत्राने पैशांच्या प्राप्तीतून पोटात पंजाबी पदार्थ पचवले.
पंतांना परमेश्वरच पावला!
पंकजला पकडण्यासाठी पंतांसोबत पुण्यात पोहोचलेली पंतांची पोरगी प्राची पंकजला पहिल्यांदा पाहताच पंकजच्या प्रेमात पडली. प्राचीने पंकज, पोलिसांची पकडा पकडी पाहिली.
पंकजचा पदपथावरून पोबाराही पाहिला.
पानशेतच्या पुराच्या पाण्यामुळे पुनर्वसित पंकज परत पर्णकुटीत पोहोचला.
पित्यासमवेत प्राची पुरंदरला परतली, पण पंतांनी पंकजच्या पाकिटातल्या पैशांबाबत पंक्ति-प्रपंच पाळला.
पुष्कळ पैसे पुत्राला पाठवले.
पंतांच्या पुन्हा पुन्हा पिडणार्या पुराणांच्या पोपटपंचीमुळे प्राची पेटली. पंकजच्या प्रेमाखातर प्राची पुण्यास परतली.
प्राचीनेच पंकजवरच्या पोलिसांच्या पंचनाम्याला पाने पुसली.
पंकजला पहायला प्राची परत पर्णकुटीपाशी पोहोचली.
पण पर्णकुटीत पहुडलेल्या पंकजचे पाय पळून पळून पांढरे पडलेले! प्राचीने पंकजच्या पायावर पिवळे पुरळही पाहिले.
पंकजची परिस्थिती पाहून प्राण पिळवटलेल्या प्राचीने पदर पाण्यात पिळून पंकजचे पाय पुसले.
प्राचीचा प्रथमोपचार पाहून पंकजला पोरगी पसंत पडली. पंकजने प्राचीला पर्णकुटीतच पटवले.
पर्णकुटीतील प्रेम-प्रकरण पाहून पर्णकुटीच्या पायऱ्यावर पत्ते पिसणारी पोरे पूर्व-पश्चिमेला पांगली.
प्राचीने पंकजचे पा़किट पैशांविनाच परतवले. परंतु प्रेमात पारंगत पंकजने प्राचीस पाच पाप्या परतवल्या.
पंतांना परमेश्वर पावला पण पंकजला पंतांची पायाळू पोर पावली.
*ज्याने हे ✒️ लिहिलं तो खरंच थोर !!😇*
कोणत्याही टिप्पण्या नाहीत:
टिप्पणी पोस्ट करा